मकवानपुर जिल्लामा प्रतिनिधीसभा र प्रदेशसभामा निर्वाचित भएका सांसदहरुलाई आज निर्वाचन परिणाम घोषणा गर्दै प्रमाणपत्र वितरण गरिएको छ ।
मुख्य निर्वाचन अधिकृतको कार्यालय मकवानपुरले जिल्लामा संघ र प्रदेशसको चुनावमा विजयी भएकाहरु उम्मेदवारहरुलाई प्रमाणपत्र वितरण वितरण गरिएको हो ।
सोमबार मकवानपुरका मुख्य निर्वाचन अधिकृत ऋषिराम निरौलाले बिजयी भएका संघीय सांसद र प्रदेशसभाका सदस्यहरुलाई बधाइ ज्ञापन गर्दै प्रमाणपत्र वितरण गरेका हुन् ।
मकवानपुरको निर्वाचन अधिकृतको कार्यालयले जिल्लाको प्रतिनिधीसभा क्षेत्र नम्बर–१ मा बिजयी राप्रपाका नेता दीपक बहादुर सिंह, मकवानपुर क्षेत्र नम्बर–२ मा विजयी नेकपा एमालेका बागमती प्रदेशसका उपसचिब महेश कुमार बर्तौलालाई विजयी भएको आधिकारीक घोषणा गर्दै आजै प्रमाणपत्र वितरण गरेको हो ।
त्यसैगरी क्षेत्र नम्बर–१ को प्रदेशसभा ९१० मा विजयी माओवादी केन्द्रका नेता प्रेम बहादुर पुलामी, क्षेत्र नम्बर १ को ९२० मा निर्वाचित एमालेका मकवानपुर अध्यक्ष एकालाल श्रेष्ठ, क्षेत्र नम्बर–२ को प्रदेशसभा ९१० मा निर्वाचित माओबादीका नेता कुमारी मोक्तान, क्षेत्र नम्बर–२ को ९२० मा निार्वाचित कांगे्रस नेता इन्द्रबहादुर बानियाँलाई प्रमाणपत्र वितरण गरिएको हो ।
मुख्य निर्वाचन अधिकृत ऋषिराम निरौलाको अध्यक्षतामा भएको कार्यक्रममा बागमती प्रदेश सरकारका प्रमुख सचिब मुकुन्द निरौला, जिल्ला समन्वय समिति मकवानपुरका प्रमुख ललित घलान, मकवानपुरका प्रमुख जिल्ला अधिकारी राजेन्द्र देव पाण्डे लगायतकाको आतिथ्यता रहेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
