काठमाडौंको थापाथलीस्थित बागमती किनारमा रहेको सुकुम्बासी बस्ती खाली गराउन पुगेका महानगरका नगर प्रहरी प्रमुख राजु पाण्डेसहित १७ जना घाइते भएका छन् । सुकुम्बासी बस्तीका स्थानीयकाे प्रतिकारका क्रममा उनीहरू घाइते भएका हुन् ।
साेमबार सुकुम्बासी बस्ती खाली गराउन महानगरका नगर प्रहरी प्रमुख पाण्डेसहितको टोली थापाथली पुगेको थियो । सुकुम्बासी बस्तीका स्थानीयले प्रतिकार गर्ने क्रममा पाण्डेको टाउको फुटेको छ भने अन्य नगर प्रहरी सामान्य घाइते भएका छन् ।
घाइतेहरुको थापाथलीस्थित नर्भिक अस्पतालमा उपचार भइरहेको नगर प्रहरी उपरीक्षक दिनेश अर्यालले बताए ।
घाइते हुनेमा अधिकांश नयाँ भर्ती भएका नगर प्रहरी छन् । घाइते नगर प्रहरीको अवस्था सामान्य रहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
