काठमाडौं महानगरपालिकाका मेयर बालेन्द्र साह (बालेन) ले बागमती नदी किनारमा रहेका अवैध संरचना तथा बस्ती हटाउने विषयको प्रधानमन्त्री शेरबहादुर देउवासँग छलफल गरेका छन् ।
उनले सोमबार साँझ बाल्वाटारमै पुगेर प्रधानमन्त्री देउवासँग सुकुम्बासीको समस्या समाधानका विषयमा छलफल गरेका हुन् ।
मंगलबार थापाथली बस्तीमा महानगर तथा अधिकारसम्पन्न बाग्मती सभ्यता एकीकृत विकास समितिले संरचना हटाउन खोजेपछि तनाव भएको थियो ।
महानगरको नगर प्रहरी र डोजरले बस्ती हटाउन खोजेपछि सुकुम्बासीले घरेलु हतियारसहित ढुङ्गामुढासमेत गरेका थिए । सुकुम्बासी बाग्मती बस्तीका बासिन्दा रातभर पनि जाग्राम बसेका छन् ।
यसअघि बाग्मती सभ्यता एकीकृत विकास समितिले बाग्मती सुकुम्बासी बस्ती हटाउन २४ कात्तिकमा सूचना निकालेको थियो ।
तोकिएको समय १० दिनभित्र स्थानीयले अवैध संरचना नहटाएपछि महानगर प्रहरी डोजरसहित सुकुम्बासी बस्तीमा पुगेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
