समानुपातिक मतगणनामा कुन प्रदेशमा कुन दलको वर्चस्व ?
फरकधार / १४ मंसिर, २०७९

भर्खरै सम्पन्न निर्वाचनको समानुपातिकतर्फको मतगणना जारी छ । बुधबार साँझसम्मको तथ्यांकअनुसार प्रतिनिधिसभामा नेकपा एमालेको अग्रता कायम छ । 



प्रदेशसभाको समानुपातिकतर्फ १ नम्बर प्रदेशमा एमालेले ६ लाख २९ हजार ८८५, कांग्रेसले ५ लाख २९ हजार ८९६, राष्ट्रिय प्रजातन्त्र पार्टीले १ लाख ९० हजार ६०४, माओवादी केन्द्रले १ लाख ७७ हजार २६१ मत प्राप्त गरेका छन् ।

मधेशमा कांग्रेसले ३ लाख ८६ हजार २९३, एमालेले ३ लाख ४३ हजार ७२८, जनमत पार्टीले ३ लाख ७ हजार ३५०, जसपा नेपालले २ लाख ८७ हजार ८४६, माओवादी केन्द्रले १ लाख ७८ हजार ९३६, एकीकृत समाजवादीले १ लाख १२ हजार २६४ र लोसपा नेपालले १ लाख १० हजार ८५२ मत प्राप्त गरेका छन् । 



बागमतीमा एमालेले ५ लाख ५४ हजार १००, कांग्रेसले ४ लाख ६३ हजार १३८, माओवादी केन्द्रले २ लाख ६९ हजार २१५ र राप्रपाले २ लाख ६६ हजार ५२४ प्रप्त गरेका छन् । 



गण्डकी प्रदेशमा एमालेले ३ लाख ४० हजार ५३३, कांग्रेसले ३ लाख १७ हजार ५९६ र माओवादी केन्द्रले १ लाख १५ हजार ३६६ मत प्राप्त गरेका छन् ।

लुम्बिनीमा एमालेले ५ लाख ७० हजार ९२१, कांग्रेसले ४ लाख ९९ हजार ९८६, माओवादीले १ लाख ९८ हजार ४५०, राप्रपाले १ लाख २७ हजार ४५२ र नागरिक उन्मुक्ति पार्टीले १ लाख २५ हजार ५२१ मत पाएका छन् । 

कर्णालीमा एमालेले १ लाख ८३ हजार ९५०, कांग्रेसले १ लाख ७० हजार ७५६ र माओवादीले १ लाख ३७ हजार ६२९ मत पाएका छन् । 

सुदूरपश्चिममा एमालेले २ लाख ४८ हजार ८४०, कांग्रेसले २ लाख ४३ हजार २९ र माओवादी केन्द्रले १ लाख १८ हजार ९०३ मत प्राप्त गरेका छन् ।

समग्रमा हेर्दा सात प्रदेशमध्ये ६ वटामा एमालेको अग्रता छ भने एउटा प्रदेशमा मात्रै कांग्रेसको अग्रता छ । प्रदेश १, बागमती, गण्डकी, लुम्बिनी, कर्णाली प्रदेशमा समानुपातिकमा एमाले पहिलो दल बनेको छ भने मधेश प्रदेशमा कांग्रेस पहिलो भएको छ । 

  • प्रकाशित मिति : मंसिर १४, २०७९ बुधबार २०:१५:२९,   अन्तिम अपडेट : मंसिर १४, २०७९ बुधबार २०:२२:२४

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया