काठमाडौंका मेयर बालेन शाहले नेकपा एमालेका नेता भीम रावलको एक प्रश्नमा जवाफ दिएका छन् । रावलले सामाजिक सन्जालमा सोधेको प्रश्नमा बालेनले सामाजिक सन्जालमा नै जवाफ दिएका हुन् ।
बालेन र अमेरिकी राजदूतको भेटघाटको विषयलाई लिएर रावलले बालेनमाथि प्रश्न गरेका थिए ।
रावलले अमेरिकी राजदूतसँगको भेट परराष्ट्र मन्त्रालयबाट अनुमति लिएर गरिएको हो या होइन भन्दै प्रश्न गरेका थिए । उनले संविधान र स्वधीन देशको स्वाभिमान र मर्यादाको रक्षा गर्न अनुरोध गरेका थिए ।
रावलको यो प्रश्नमा बालेनले आफूहरुलाई अमेरिकी राजदूतले भेट खोजेपछि उनलाई नै परराष्ट्र मन्त्रालयबाट अनुमति लिएर आउन आफूहरुले लगाएको बताएका छन् ।
अनि अन्तिममा उनले परराष्ट्र मन्त्रालयबाट अनुमति लिएर आएको र आफूहरुले भेट्ने अनुमति दिएको बालेनले फेसबुकमा लेखेका छन् ।
उनले सँगसँगै लेखेका छन्, ‘हामीलाई तपाईंहरू जस्तो विदेशीसँग सहयोग माग्ने कुनै रहर छैन । उहाँले हामीलाई आर्थिक सहयोग गर्ने प्रस्ताव लिएर आउनुभएको थियो तर हामीले हामी चाहिँ अमेरिकामा नेपाली सभ्यता झल्काउने मन्दिर अथवा पाटी पौवा बनाइदिन सहयोग गर्छौँ भनेर पठाएका छौँ। र थप एमसीसी मार्फत विद्युत विदेशीलाई बेच्ने भन्दा पनि त्यो विद्युत नेपाल मै प्रयोग गरेर आर्थिक उन्नति गर्नु पर्छ भन्ने धारणा व्यक्त गरेका छौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
