समानुपातिकमा एमालेले कटायो २८ लाख मत, अरू दलले कति पाए?
फरकधार / २० मंसिर, २०७९

यही ४ मंसिरमा भएको प्रतिनिधिसभा सदस्यको निर्वाचनमा समानुपातिकतर्फ नेकपा एमालेको मत २८ लाख नाघेको छ । प्रतिनिधिसभा समानुपातिकतर्फ १ करोड ४ लाख ७८ हजार ७३५ मतगणना गर्दा एमालेले २८ लाख १४ हजार ६५५ मत प्राप्त गरेको हो ।



दोस्रो रहेको नेपाली कांग्रेसले २६ लाख ८८ हजार २१८ मत पाएको निर्वाचन आयोगले जनाएको छ । त्यस्तै, नेकपा माओवादी केन्द्रले ११ लाख ९६ हजार ९० मत प्राप्त गरेको छ । चौथोमा रहेको राष्ट्रिय स्वतन्त्र पार्टीले ११ लाख २४ हजार ७७८ मत पाएको छ ।

त्यस्तै, राष्ट्रिय प्रजातन्त्र पार्टीले ५ लाख ८६ हजार ८१६, जनता समाजवादी पार्टी नेपालले ४ लाख २० हजार ९५४ र जनमत पार्टीले ३ लाख ९४ हजार ५३८ मत प्राप्त गरेका आयोगले जनाएको छ ।



यस्तै, नेकपा एकीकृत समाजवादीले २ लाख ९५६ हजार ९०, नागरिक उन्मुक्ति पार्टीले २ लाख ७१ हजार ६७४ र लोकतान्त्रिक समाजवादी पार्टीले १ लाख ६७ हजार २९० मत प्राप्त गरेका छन् ।



नेपाल मजदुर किसान पार्टीले ७५, हजार ७९ र राष्ट्रिय जनमोर्चाले ४६ हजार ४०४ पाएका आयोगले जनाएको छ । प्रत्यक्षतर्फ भने ५७ सिटका साथ कांग्रेस शीर्ष स्थानमा छ । दोस्रो स्थानमा रहेको एमालेले ४४ सिट जित्यो ।  

  • प्रकाशित मिति : मंसिर २०, २०७९ मंगलबार ६:४६:३४,   अन्तिम अपडेट : मंसिर २०, २०७९ मंगलबार ६:४९:६

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया