महाकाली नदीमा भारतले एकतर्फी तटबन्ध निर्माण गरेको विषयमा नेपालले भारतलाई पत्र पठाउने भएको छ । आइतबार भएको घटनाको विवरण तथा तटबन्धका विषयमा नेपालले भारतलाई पत्र पठाउन लागेको हो ।
गृह मन्त्रालयले स्थलगत विवरणसहित सोमबार परराष्ट्र मन्त्रालयलाई पत्र लेखेको र परराष्ट्र मन्त्रालयमार्फत् आज भारतीय विदेश मन्त्रालयलाई पठाउने तयारी भइरहेको गृह मन्त्रालयका सूचना अधिकारी वसन्त भट्टराईले जानकारी दिए ।
गृहले स्थलगत विवरणसहित परराष्ट्रलाई पत्र लेखेको र पत्रमा दार्चुलामा देखिएको समस्याको दीर्घकालीन समाधानको प्रयास खोज्नुपर्ने उल्लेख गरिएको छ ।
नेपाललाई क्षति पुग्ने गरी महाकालीमा तटबन्ध निर्माण भएपछि आइतबार दार्चुलाका स्थानीय बासिन्दाले विरोध गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।