कार्यविधिविपरीत खटिएका ३१ जना प्रहरीका चालक गृह मन्त्रालयको निर्देशनपछि फिर्ता भएका छन् ।
गृह मन्त्रालय मातहतका उच्च पदस्थ कर्मचारीहरुले नियम विपरित प्रहरीबाट चालक सुविधा लिइरहेको गुनासो थियो ।
गृहमन्त्री रवि लामिछानेको आदेशपछि गृह मन्त्रालयले बिहीबार पत्र नै पठाएर प्रहरी मुख्यालयमा चालक फिर्ता पठाएको हो ।
गृहमन्त्रालयका सहसचिव, उपसचिव र पहुँचवाला कर्मचारीले प्रहरी मुख्यालयबाट लिएका चालक फिर्ता गरिएको हो ।
मन्त्री लामिछानेले नियमविपरीत खटाइएका सुरक्षाकर्मीलाई फिर्ता गर्नसमेत निर्देशन दिइसकेका छन् । उनको निर्देशनपछि १९४ जना सुरक्षाकर्मी फिर्ता भएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
