नेपाली कांग्रेसले कार्य सम्पादन समितिको बैठक बोलाएको छ । प्रधानमन्त्री पुष्पकमल दाहाल प्रचण्डलाई विश्वासको मत दिने/नदिने विषयमा सहमति जुट्न नसकेपछि कार्य सम्पादन समितिको बैठक बोलाइएको हो ।
साढे ११ बजे कार्य सम्पादन समितिको बैठक बस्ने र त्यसको निर्णयअनुसार संसदीय दलको बैठकबाट विश्वासको मतबारे औपचारिक निर्णय सार्वजनिक गर्ने कांग्रेसको तयारी छ ।
विश्वासको मतबारे आज बिहान बसेको कांग्रेस पदाधिकारीको बैठकमा पनि छलफल भएको छ । पदाधिकारी बैठक लम्बिएपछि कांग्रेसको आग्रहमा प्रतिनिधिसभा बैठक दिउँसो १ बजेसम्मलाई सारिएको छ ।
यसअघि ११ बजे प्रतिनिधिसभा बैठक बस्ने तालिका थियो । आजको प्रतिनिधिसभा बैठकमा प्रधानमन्त्री प्रचण्डले विश्वासको मत लिने कार्यसूची छ । १० पुसमा प्रधानमन्त्रीमा नियुक्त भएका उनले एक महिना अगावै विश्वासको मत लिन लागेका हुन् ।
मिलीजुली सरकारका प्रधानमन्त्रीले प्रतिनिधिसभाको विश्वास लिनुपर्ने संवैधानिक प्रावधानअनुसार प्रचण्डले विश्वासको मत लिन लागेका हुन् । २७५ सदस्यीय प्रतिनिधिसभाको विश्वास लिन प्रधानमन्त्रीले १३८ सांसदको समर्थन पाउनुपर्छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।