इंग्लिस प्रिमियर लिग फुटबलमा लिभरपुलले फराकिलो हार बेहोरेको छ । गएराति सम्पन्न खेलमा लिभरपुलले ब्राइटनसँग ३–० को हार बेहोरेको हो ।
ब्राइटनको जितमा सोली मार्चले दुई र ड्यानी वेल्बेकले एक गोल गरे । खेलको ४६ औं मिनेटमा मार्चले गोल गर्दै ब्राइटनलाई सुरुआती अग्रता दिलाएका थिए ।
५३ औं मिनेटमा मार्चले व्यक्तिगत दोस्रो गोल गर्दै ब्राइटनलाई दोब्बरको अग्रता दिलाए । खेलको ८१ औं मिनेटमा वेल्बेकले गोल गर्दै ब्राइटनलाई ३–० को शानदार जित दिलाए ।
योसँगै सातौं स्थानमा रहेको ब्राइटनले १८ खेलमा ३० अंक जोडेको छ । लिभरपुल १८ खेलमा २८ अंकका साथ आठौं स्थानमा रहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
