नेकपा एमालेका अध्यक्ष केपी शर्मा ओलीले पोखरामा आज बिहान भएको यति एयरलाइन्सको जहाज दुर्घटनामा परेकाको प्रभावकारी उद्धारका लागि सरकारसँग आग्रह गरेका छन् । उनले सामाजिक सञ्जालमार्फत जहाज दुर्घटनाले आफू दुःखी भएको र उद्धार कार्य प्रभावकारी बनाउन सरकारसँग आग्रह गरेका हुन् ।
‘काठमाडौंबाट ६८ जना यात्रु लिएर पोखरा उडेको यति एयरलाइन्सको एएनसी एटीआर ७२ जहाज आज बिहान पोखरामा त्रासदीपूर्ण दुर्घटनामा परेको खबरलले अत्यन्त दुःखी छु । दुर्घटनामा ज्यान गुमाउनुहुने सबैप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गर्दछु । दुर्घटनाको प्रभावकारी उद्धारका लागि सरकारसँग आग्रह गर्दछु,’ ओलीले भनेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
