नेकपा एकीकृत समाजवादीका अध्यक्ष माधवकुमार नेपालले कलम चिह्नमा भोट नहाल्ने नेता कार्यकर्तालाई कारबाहीको चेतावनी दिएका छन् । एस पार्टीको रौतहट–काठमाडौं सम्पर्क मञ्चले गरेको कार्यक्रमलाई सम्बोधन गर्दै अध्यक्ष नेपालले यस्तो बताएका हुन् ।
अध्यक्ष नेपालले भने, ‘‘एकीकृत समाजवादीको नेता कार्यकर्ता बन्ने, तर अर्कै पार्टीको चुनाव चिह्नमा भोट हाल्नेलाई कारबाही हुन्छ ।
कार्यक्रमलाई सम्बोधन गर्दै उनले भने, ‘मैले केही सुनेको छु र तथ्यहरु पनि संकलन भइरहेका छन्, पार्टीलाई धोका दिएको प्रमाणित भए अप्ठेरो पर्ला । समयमै आत्मसमीक्षा गर्नुहोस् ।’
गएको चुनावमा एकीकृत समाजवादीका केही नेता–कार्यकर्ताले प्रत्यक्षमा कलम चिह्नमा मतदान गरे पनि समानुपातिकमा अर्कै पार्टीलाई भोट दिएको नेता नेपालले बताए ।
पार्टीको केन्द्रीय समिति र विभागमा भएका जिम्मेवार नेता पनि भोट हाल्न नगएको भन्दै उनले त्यस्ता नेता–कार्यकर्ताको लगत संकलन एकीकृत समाजवादीले गरिरहेको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
