रवि लामिछानेका दाइ हरिशरण लामिछानेले स्वतन्त्र पार्टी गठन गर्दाको समयमा रवि लामिछानेलाई दिएका शुभकामनाबारे निकै चर्चा हुने गरेको थियो ।
आफैं पनि स्वतन्त्र अभियानमा संलग्न भएकाले उनी पनि भाइको पार्टीमा जान्छन् कि भन्ने अनुमान धेरैले गरेका थिए ।
तर, हरिशरण लामिछाने भाइ रवि लामिछानेको पार्टीमा गएनन् । बरु रविको आलोचना गरेकाले उनको विषयमा बेलाबेलामा समाचार तथा टिप्पणीहरु बनिरहे ।
शुक्रबार सर्वोच्च अदालतले रवि लामिछानेको नागरिकता अवैध रहेको भन्दै उनका सबै पदहरु बदर गरेपछि हरिशरणले एउटा ढोका बन्द हुँदा हजार ढोकाहरु आफैं खुल्ने बताएका छन् ।
सामाजिक सन्जालमा हरिशरण लामिछानेले रवि लामिछानेसँगको तस्वीर राखेका छन् र एउटा ढोका बन्द हुँदा हजार ढोकाहरु आफैं खुल्नेछन् भन्दै लेखेका छन्, ‘देश विदेशका शुभचिन्तक साथीहरु, धैर्य राखौँ, शान्त बसौँ, सकारात्मक र आशावादी बनौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
