चुनावभन्दा अगाडिसम्म पार्टी ठिकै लागे पनि पछिल्लो समय पार्टी खराब हुँदै गएको निष्कर्ष निकालेर रवि लामिछाने नेतृत्वको राष्ट्रिय स्वतन्त्र पार्टीका चितवन सभापति धर्मेन्द्र सापकोटाले राजीनामा दिएका छन् ।
उनले पार्टीमा व्यक्तिवादी हैकम र अराजकता बढी भएको आरोपसमेत लगाएका छन् ।
उनले पार्टीका महामन्त्री तथा प्रवक्ता मुकुन्द ढकाललाई राजीनामा बुझाएका हुन् । पार्टीले जिल्ला कमिटीलाई बेवास्ता गरेको र जिल्ला कमिटीसँग कुनै पनि विषयमा कुनै सरसल्लाहसमेत नभएको आरोप पनि उनले लगाएका छन् ।
उनले देशभरका पार्टीका जिल्ला कमिटीहरुको अवस्था यस्तै भएको हुनसक्ने अनुमान पनि गरेका छन् ।
पछिल्लो समय रास्वपामा सांसद पद गुमाएका रवि लामिछाने नै गृहमन्त्री हुनुपर्छ भन्ने समूह र अर्को समूह गरेर केन्द्रमा पनि मतभेद देखिन थालेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
