आज देशका केही भू–भागमा हिमपातको सम्भावना रहेको छ । जल तथा मौसम पूर्वानुमान महाशाखाका अनुसार प्रदेश १, बागमती, गण्डकी र कर्णाली प्रदेशका उच्च पहाडी तथा हिमाली भू–भागमा हल्का हिमपातको सम्भावना रहेको हो ।
मंगलबार दिउँसो काठमाडौं उपत्यकासहित देशका उच्च पहाडी तथा हिमाली भेगमा आंशिक बदली रहने मौसमविद् वरुण पौडेलले जानकारी दिए ।
आज बिहान देशका केही भू–भागमा आंशिक बदली छ । तराईका केही क्षेत्रमा अहिले हुस्सु र कुहिरो लागिरहेको छ । बाँकी ठाउँमा मौसम सामान्यतया सफा रहेको महाशाखाले जनाएको छ।
मंगलबार बिहान काठमाडौंको न्यूनतम तापक्रम ७ डिग्री सेल्सियस मापन भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
