एजेन्सी– पुलवामा आक्रमणपछि भारत पाकिस्तानबीच उत्पन्न भएको तनावको फाईदा उठाउँदै एक पाकिस्तानी युवकले पत्निबाट छुटकारा पाउन पाकिस्तानी आर्मीसँग मिलेर उनलाई भारतको सीमा पारी धकेलदिएका छन् ।
बुधबार राती ती महिलाले छिटो छिटो बोर्डर पार गरेको देखेपछि सीमा सुरक्षा बलले रोक्न खोज्दा उनी नरोकिएपछि सुरक्षाकर्मीले गोली चलाए । बिहान भएपछि सुरक्षा बलले ती महिलालाई घाइते अवस्थामा देखेर अस्पताल भर्ना गराएको भारतीय सञ्चारमाध्यमले उल्लेख गरेका छन् ।
डिआइजी राजेश शर्माले महिला पाकिस्तानी जासुसी हुन कि भनेर अनुसन्धान गरेको बताए । उनले महिलाको मानसिक सन्तुलन पनि ठिक भएको जानकारी दिएका छन् ।
उनीसँग एउटा फुटेको मोबाइलमात्र भेटिएको छ । उपचारपछि डेरा बाबा नानक प्रहरी महिलालाई कस्टडीमा राखेर अनुसन्धान गरिने प्रहरीले बताएको छ ।
बोर्डरको बटालियन १० बाट महिला भारतीय सीमामा प्रवेश गरेकी थिइन् । अध्याँरो भएकाले सेनाहरुले राम्रोसँग उनलाई देख्न सकेनन् । सीमा सुरक्षा बलले आतंककारी या अरु कोही हुन सक्ने आशंका गरेर फायरिंग गरेको थियो ।
३२ वर्षीया श्रीमती गुलसनका अनुसार पाकिस्तानको गाउँ ताजपुरामा बस्ने उनी पाकिस्तानी आर्मी क्याम्पबाट आएकी थिइन्, श्रीमानले उनलाई घरबाट निकाल्न खोजिरहेका थिए । घरमा सधै झगडा परिरहन्थ्यो । श्रीमान पाकिस्तानी आर्मीसँग मिलेर उनलाई जबरजस्ती भारतीय सीमामा धकेलदिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
