राष्ट्रिय स्वतन्त्र पार्टी (रास्वपा) का सभापति रवि लामिछानेले आसन्न प्रतिनिधिसभा उपनिर्वाचनका लागि चितवन–२ बाट उम्मेदवारी दर्ता गराएका छन् ।
उनले आज बिहान निर्वाचन अधिकृतको कार्यालयमा पुगेर उम्मेदवारी दर्ता गराएका हुन् । लामिछानेले दिउँसो १ बजे उम्मेदवारी दर्ताको समय लिएको भए पनि तनहुँ जाने कार्यक्रम रहेकोले बिहानै उम्मेदवारी दर्ता गराएका बताइएको छ ।
त्यस्तै, कांग्रेसले दिउँसो २ बजे, एमाले दिउँसो ३ बजे र राप्रपाले अपरान्ह ४ बजे उम्मेदवारी दर्ता गर्ने तय भएको छ ।
गत ४ मंसिरमा भएको निर्वाचनमा लामिछाने भारी मतान्तरले विजयी भएका थिए । नागरिकता विवाद मुद्दामा सर्वोच्च अदालत फैसलापछि लामिछाने पदमुक्त भएपछि चितवन–२ मा १० वैशाखमा उपनिर्वाचन हुन लागेको हो ।
त्यस्तै, १० वैशाखमै तनहुँ–१ र बारा–२ मा पनि उपनिर्वाचन हुन लागेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
