त्रिभुवन विश्वविद्यालयले हालसम्म नवीकरण नगरेका सम्बन्धन प्राप्त क्याम्पसलाई स्पष्टीकरण पेस गर्न निर्देशन दिएको छ ।
उपकुलपति कार्यालयको योजना निर्देशनालयले सूचना जारी गर्दै विभिन्न सङ्काय तथा संस्थानहरूको प्राज्ञिक नियन्त्रणमा रही कार्यक्रम सञ्चालन गरेका क्याम्पस/कलेजमध्ये कतिपयले हालसम्म पनि नवीकरण नगरेको पाइएकाले वैशाखभित्र नवीकरण नगर्नुको कारण खुलाउन निर्देशन दिएको हो ।
सम्बन्धित क्याम्पसहरूले डीन कार्यालयमा निवेदन दिन सक्नेछन् । नवीकरण भएका क्याम्पसले त्रिविको विनियोजन शाखाबाट नवीकरण पत्र लिन सक्ने सूचनामा उल्लेख गरिएको छ । नवीकरण भएको पत्र लिन २ हजार रुपैयाँ बुझाउनुपर्छ ।
नवीकरण भएका क्याम्पसको विवरण त्रिविले आफ्नो वेबसाइटमा राखिएको पनि जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
