प्रतिनिधिसभा सदस्य उपनिर्वाचनअन्तर्गत तनहुँ–१ मा जारी मतगणनामा एउटा वडामा नेकपा एमालेका उम्मेदवार सर्वेन्द्र खनालले अग्रता लिएका छन् । उनले देवघाट गाउँपालिका–१ मा अग्रता लिएका हुन् ।
खनाल यो वडामा ४ सय ९४ मतसहित अग्रस्थानमा छन् । वडा नम्बर १ मा नेपाली कांग्रेसका उम्मेदवार गोविन्द भट्टराईले ३ सय ३३ मत र राष्ट्रिय स्वतन्त्र पार्टी (रास्वपा) का डा. स्वर्णिम वाग्लेले २ सय ७८ मत प्राप्त गरेका छन् ।
यद्यपि समग्रमा मतगणनामा भने एमालेका खनाल तेस्रो स्थानमा छन् । पछिल्लो मतपरिणामअनुसार २२ हजार ३५८ मत गन्दा तेस्रोमा रहेका खनालले ३ हजार ७४८ प्राप्त गरेका छन् ।
शीर्ष स्थानमा रहेका रास्वपाका वाग्लेले ११ हजार ४२८ मत ल्याएका छन् । उनका निकटतम् प्रतिद्वन्द्वी कांग्रेसका भट्टराईले ६ हजार ४६५ मत प्राप्त गरेका छन् ।
भट्टराई–वाग्लेबीचको मतान्तर ४ हजार ९६३ रहेको छ । तनहुँ–१ मा सुरुवातदेखि नै वाग्ले अग्रस्थानमा छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
