नाबालिग बलात्कार आरोप लागेका क्रिकेटर सन्दीप लामिछानेविरुद्धको मुद्दामा जिल्ला अदालत काठमाडौंमा साेमबार अन्तिम सुनुवाइ जारी छ । न्यायाधीश दीपक ढकालकाे इजलाशमा मुद्दाको सुनुवाइ भइरहेकाे हाे ।
उनीविरुद्ध १७ वर्षीया किशोरीले प्रहरी वृत गौशालामा ०७९ भदौ २१ मा बलात्कारको जाहेरी दिएकी थिइन् । सन्दीप असोज २० मा जिल्ला अदालतको आदेशबाट पुर्पक्षका लागि थुनामा गएका सन्दीप पुस २८ मा उच्च अदालतकाे आदेशबाट २० लाख धरौटीमा सशर्त रिहा भएका थिए ।
उच्च अदालतको आदेशविरुद्ध सन्दीपको निवेदनमा फागुन १५ मा सर्वोच्चले उनलाई विदेश जान अनुमति दिएको थियो । विदेश जाने अनुमतिसँगै सर्वोच्चले उनको मुद्दा फास्ट ट्रयाकबाट किनारा लगाउन आदेश गरेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
