गत आइतबार भएको उपनिर्वाचनको मतगणनामा चितवन–२ मा राष्ट्रिय स्वतन्त्र पार्टी (रास्वपा) का उम्मेदवार रवि लामिछाने फराकिलो अग्रताका साथ जित नजिक पुगेका छन् ।
आज बिहानसम्म गणना भएको लामिछानेले ४० हजार ६९ मत प्राप्त गरेका छन् । उनका निकटतम् प्रतिद्वन्द्वी नेपाली कांग्रेसका जितनारायण श्रेष्ठ निकै पछाडि छन् ।
उनले ७ हजार ४५६ मत प्राप्त गरेका छन् । लामिछाने श्रेष्ठभन्दा ३२ हजार मतले अगाडि छन् । त्यस्तै, नेकपा एमालेका रामप्रसाद न्यौपानेले ७ हजार २६८ मत प्राप्त गरेका छन् ।
सहायक निर्वाचन अधिकृत ईश्वर आचार्यका अनुसार चितवन–२ को उपनिर्वाचनमा ७८ हजार २७७ मत अर्थात् ६२.७७ मत खसेको छ । गत ४ मंसिरमा भएको निर्वाचनमा त्यहाँ ६७.६३ प्रतिशत मत खसेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
