तीनतले घरको छतबाट खसेर गम्भीर घाइते भएका रास्वपा सभापति रवि लामिछानेका गाडीचालक दिलबहादुर थापा (शम्भु) ‘कोमा’मा गएका छन्।
चुनावी अभियानका क्रममा यही वैशाख ४ गते भरतपुर महानगरपालिका–११ स्थित तीनतले घरमा सुतेका उनी बिहान छतबाट खसेर गम्भीर घाइते भएका थिए।
उनलाई थप उपचारका लागि यही वैशाख ५ गते ललितपुरस्थित मेडिसिटी ल्याइएको थियो। त्यस बेलादेखि नै बेहोस उनी अहिले कोमामा रहेको अस्पताल स्रोतले जनाएकाे छ । उनकाे उपचार जारी रहे पनि सुधार हुन नसकेको र कोमामा गएकाले केही भन्न सकिने अवस्था नरहेकाे अस्पतालकाे भनाइ छ ।
घटना अनुसन्धानका लागि प्रहरीले शम्भुसँगै सुतेका रास्वपाका प्रवक्ता मुकुल ढकालका सवारीचालक कालुप्रसाद राजवंशीलाई नियन्त्रणमा लिएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
