प्रधानमन्त्री पुष्पकमल दाहाल प्रचण्डले राष्ट्रिय स्वतन्त्र पार्टी (रास्वपा) लाई सरकारमा सहभागी हुन आग्रह गरेका छन् । सोमबार बिहान चितवनमा आयोजित ‘पत्रकारसँग प्रधानमन्त्री कार्यक्रम’ मा प्रचण्डले रास्वपालाई सरकारमा सहभागी हुन आग्रह गरेका हुन् ।
प्रधानमन्त्री प्रचण्डले रास्वपा सरकारमा सहभागी भए आफू भ्रष्टाचारको जुनसुकै फाइल खोल्न तयार रहेको पनि बताए । ‘तपाईँ (रवि लामिछाने) आउनुस्, भ्रष्टाचारको कुन फाइल खोल्नुप¥यो म तयार छु,’ प्रधानमन्त्री प्रचण्डले भने ।
उनले रास्वपा सरकारमा सहभागी हुने विषयमा सकारात्मक रहेको पनि बताए ।
‘सरकारकामा सहभागी हुनेबारे उहाँले पनि आफ्नो पार्टीमा सल्लाह गर्ने र मैले पनि गठबन्धनमा छलफल गर्ने र केही दिनपछि फेरि भेट्ने र एउटा टुंगोमा पुग्ने भनेका छौँ,’ प्रधानमन्त्री दाहालले भने, ‘समर्थन फिर्ता लिने स्थिति बन्ने मैले देखेको छैन ।’
उनले शनिबार भएको भेटमा लामिछानेले पुरानै मन्त्रालयको दाबी नगरेको पनि बताए । ‘पहिलाकै मन्त्रालय खोज्नु अस्वभाविक होइन । त्यसैमा अडिनुहुन्छ भन्ने पनि ठानेको छैन । फेरि त्यही भन्ने चाहिँ हुँदैन,’ प्रधानमन्त्री प्रचण्डले भने ।
उनले सरकार पाँचै वर्ष टिक्ने दाबी पनि गरे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
