सुदूरपश्चिम प्रदेश सरकार आज विस्तार हुने भएको छ । आज बिहान मुख्यमन्त्री कमलबहादुर शाहले प्रदेश सरकारका सय दिनका उपलब्धि सार्वजनिक गर्दै मन्त्रिपरिषदले आज विस्तार हुने जानकारी दिएका हुन् ।
उनले गठबन्धनमा रहेका दलहरू सबैको सहमतिमा सरकार विस्तार हुने विश्वास व्यक्त गरे ।
गठबन्धनका दलबीच भएको भागबण्डाअनुसार नेकपा माओवादी केन्द्र दुई, नेपाली कांग्रेसले थप एक र नागरिक उन्मुक्ति पार्टीले एक मन्त्रालय पाउने गरी सहमति जुटेको माओवादी संसदीय दलका नेता खगराज भट्टले जानकारी दिए ।
उनका अनुसार कांग्रेस, माओवादी र नागरिक उन्मुक्ति पार्टी तीनवटै दलले एक/एकजना राज्यमन्त्री पनि पाउनेगरी भागबन्डा टुंगिएको हो ।
माओवादीले टुङ्ग्यायो मन्त्रीको नाम
माओवादी केन्द्रले मन्त्रीको नाम टुंगो लगाएको छ । उसले सामाजिक विकासमा झपट साउद र उद्योग पर्यटन वन तथा वातावरण मन्त्रालयमा रमेश धामीलाई पटाउने भएको हो । यस्तै, गीता माललाई राज्यमन्त्री बनाउने माओवादीको तयारी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
