रेशम चौधरीलाई आममाफी दिने निर्णयविरुद्ध सर्वोच्च अदालतमा रिट दर्ता भएकाे छ । टिकापुर हत्याकान्डमा मारिएका इन्सपेक्टर केशव बोहराकी पत्नी शारदा कडायतले आइतबार सर्वोच्चमा रिट दिएकी थिइन् ।
तीनवटै तहका अदातलबाट दोषी ठहर भएका चौधरीलाई आममाफी दिएकाे भन्दै उनले पेस गरेकाे रिट मंगलबार दर्ता भएकाे हाे । सर्वाेच्चले दुई दिनकाे अध्ययनपछि रिट दर्ता गरेकाे हाे ।
सरकारले चौधरीलाई आममाफी दिने तयारी गरेपछि शारदाले रिट पेस गरेकी थिइन् । उनकाे रिट दर्ता नहुँदै चाैधरी आममाफी पाएर जेलमुक्त भइसकेका छन् ।
उक्त रिटको पेसी बुधबारका लागि तोकिएको सर्वोच्च अदालतका प्रवक्ता विमल पौडेलले जानकारी दिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
