लामो समयदेखि कविता, उपन्यास, गीतलगायत साहित्यिक विधामा कलम चलाउँदै आएका हेमप्रभास अधिकारीको शब्दरचनामा नयाँ गीत श्रव्यदृष्यसहित बजारमा आएको छ । बलिउडकी प्रसिद्ध गायिका साधना सरगमले गाएको नेपाली गीत ‘शान्ति गीत’को भिडियो सार्वजनिक भएको हो ।
विश्व शान्ति दिवसको अवसर पारेर संविधान दिवसका दिन राजधानीको कुञ्ज थिएटरबाट उक्त गीत सार्वजनिक गरिएको हो । गीतमा र सन्तोष श्रेष्ठको संगीत रहेको छ ।
एडभरटाइजिङ नेपालको प्रस्तुति रहेको गीतको भिडियोमा रक्षा श्रेष्ठ, अभेलिना खड्का, दिया गिरी लगायतका कलाकारको अभिनय देख्न पाइन्छ ।
अजय रेग्मीको छायांकन र टेकेन्द्र शाहको दृश्य सम्पादन रहेको गीतको भिडियो निर्देशन पनि स्वयं गीतकार हेमप्रभासले गरेका हुन् ।
यीतको श्रव्यदृष्य (भिडियो) म्युजिक नेपालको अफिसिलयल युट्युब च्यानलमार्फत बजारमा ल्याइएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
