काठमाडौं– अख्तियार दुरुपयोग अनुसन्धान आयोगले भैरहवा भन्सार कार्यालयका तत्कालीन भन्सार अधिकृत मानप्रसाद विकविरुद्ध विशेष अदालतमा भ्रष्टाचार मुद्दा दायर गरेको छ । विकले झन्डै २ करोड भ्रष्टाचार गरेको दाबीसहित अख्तियारले मुद्दा दायर गरेको हो ।
हाल करदाता सेवा कार्यालय पाँचथरमा कर अधिकृत विक २०६८ असोज ११ मा अधिकृतमा नियुक्त भएका थिए । त्यसअघि उनी रोल्पामा राहत शिक्षकका रूपमा कार्यरत थिए ।
गत मंसिरसम्ममा उनको सम्पत्ति तीन करोड १० लाख ३० हजार ७२४ पाइएको छ । त्यसमध्ये १ करोड २७ लाख ६६ हजार ९ सय ४५ रुपैयाँको स्रोत खुलेको छ भने १ करोड ८२ लाख ६७ हजार ७ सय ७९ रुपैयाँको स्रोत नखुलेको अख्तियारले जनाएको छ ।
अख्तियारले विक र उनकी श्रीमती आइतमालीलाई प्रतिवादी बनाई स्रोत नखुलेको रकम जफत गर्न र भ्रष्टाचार निवाररण ऐनअनुसार कारबाही गर्न माग गर्दै अदालतमा मुद्दा दायर गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
