भक्तपुर– नेपाली कांग्रेसका महामन्त्री डा. शशांक कोइरालाले बिपीले देखाएको बाटो नहिँड्दा कांग्रेस समस्यामा परेको बताएका छन् । शनिबार नेपाली कांग्रेस मध्यपुरथिमि नगरसमितिले आयोजना गरेको कार्यक्रममा बोल्दै डा. कोइरालाले मेलमिलापको नीति कांग्रेसको मूल नीति भएको बताए ।
‘बिपीले देखाएको मेलमेलापको बाटो नै कांग्रेसको मूल बाटो हो, यो बाटोलाई कांग्रेसले बिर्सनु हुन्न, उनले भने, ‘राष्ट्रिय मेलमिलापको नीति अँगालेको कांग्रेसमै मेलमिलाप नहुनु दुःखद् हो ।’
मेलमिलाप र एकताको बाटोमा अगाडि बढेमा कांग्रेस फेरि पहिलो दल बन्न कसैले रोक्न नसक्ने दाबी गर्दै कोइरालाले त्यसका लागि पार्टीभित्रको गुट–उपगुट अन्त्य हुनुपर्ने बताए ।
वर्तमान सरकार संघीयताविरोधी भएको आरोप लगाउँदै कोइरालाले भने, ‘सरकार सबै अधिकार आफैँ राख्ने प्रयत्न गर्छ। सरकारको यो कदम संघीयताविरोधी छ, यसले सरकार संघीयतामा विश्वास गर्दैन भन्ने देखाएको छ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
