एएफसी च्याम्पियन्स लिगमा साउदी अरेबियाको अल नासरले पहिलो जित निकालेको छ । पहिलो जित निकाल्नेक्रममा उसले सोमबार राति सम्पन्न खेलमा कतारको अल रेयान क्लबलाई २–१ गोल अन्तरले हरायो ।
अल अवाल पार्क रियादमा भएको खेलमा नासरको जितमा साडियो माने र क्रिस्टियानो रोनाल्डोले समान एक गोल गरे । रेयानका लागि रोजर गुएडेसले एक गोल फर्काए ।
खेलको पहिलो हाफको इन्जुरी समयमा मानेले गोल गर्दै नासरलाई सुरुवाती अग्रता दिलाए । रोनाल्डोले ७६औँ मिनेटमा गोल गर्दै नासरलाई २–० ले अघि बढाए ।
८७औँ मिनेटमा रोजरले गोल गर्दै रेयानलाई खेलमा फर्काउने कोसिस गरे । त्यसपछि गोल हुन नसकेपछि नासरले खेल २–१ ले जित्यो ।
एलिटको समूह चरणको पहिलो खेलमा नासरले इराकको अल–सर्टासँग १–१ गोलको बराबरी खेलेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
