एभरेस्ट महिला भलिबल लिगमा कर्णाली यश्विसले गण्डकी थन्डर्सलाई हराएको छ । त्रिपुरेश्वरमा रहेको राष्ट्रिय खेलकुद परिषद् (राखेप) को कभर्ड हलमा आज भएको खेलमा कर्णालीले गण्डकीलाई ३–२ को सेटमा हराएकाे हाे ।
पहिलाे सेट गण्डकीले २५–१५ ले जित्याे । दाेस्राे सेट कर्णालीले २५–२२ ले जित्याे । तेस्राे सेट कर्णालीले २५–१७ ले जित्याे । चाैथाे सेट गण्डकीले २५–१९ ले जित्याे । पाँचाैं सेट कर्णालीले १५–१२ ले जित्याे ।
प्रतियोगितामा आजै दोस्रो खेलमा काठमाण्डौ स्पाइकर्स र चितवन शक्ति भिड्दै छन् । यस्तै, तेस्रो खेलमा ललितपुर क्विन्स र मधेश युनाइटेड खेल्दै छन् ।
नेपालको पहिलो फ्रेन्चाइज भलिबल लिगमा सहभागी ६ टोलीले एक-अर्कासँग खेलेपछि अंक तालिकाका शीर्ष दुई टोलीले असोज १९ गते फाइनल खेल्नेछन् ।
प्रतियोगितामा फाइनलबाहेक हरेक दिन तीन खेल हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
