केही दिनअघि पुण्य गौतममाथि रड प्रहार गर्नेहरू दुर्गा प्रसाईंका समर्थक भएको बुझिएको छ । गत २१ गते राति जोरपाटीस्थित निवास गइरहेको बेला गौतममाथि रड प्रहार भएको थियो ।
घाइते भई नेपाल मेडिकल कलेजको आइसियुमा भर्ना भएका गौतम अहिले खतरामुक्त छन् । प्रहरीले आक्रमणमा संलग्न प्रसाईंका दुई कार्यकर्तालाई प्रहरीले पक्राउ गरेको छ ।
प्रहरीले अनुसन्धानका क्रममा काभ्रेपलान्चोक तेमाल घर भई हाल भक्तपुर च्यामासिहं बस्ने वर्ष ३० को टासी लामा भन्ने सञ्जीव तामाङ र रसुवा नवकुण्ड गाउपालिका–०५ घर भई गोकर्णेश्वर नपा– ४ बस्ने वर्ष ४१ को मिलन भन्ने दिलबहादुर गङदानले सो रड प्रहार गरेको पत्ता लगाएको हो ।
प्रहरीका अनुसार सो घटनाको अनुसन्धान गर्ने क्रममा उक्त घटनाको मुख्य योजनाकार नागरिक बचाउ महाअभियान अन्तर्गत नागरिक प्रतिरक्षा बलका संयोजक मिलन लामा भन्ने दिल बहादुर गङदान रहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
