रुसी राष्ट्रपति भ्लादिमिर पुटिन, भारतीय प्रधानमन्त्री नरेन्द्र मोदी र चिनियाँ राष्ट्रपति सी जिनपिङ ब्रिक्स शिखर सम्मेलनमा सहभागी भएको एउटा तस्बिर अहिले चर्चामा छ । तस्बिरमा पुटिन बीचमा छन् र उनको छेउमा मोदी र सी जिनपिङ छन् । यस क्रममा पुटिन क्यामेरातर्फ मुस्कुराउँदै ‘थम्ब्स अप’ इशारा गर्दैछन्।

पाँच वर्षपछि ब्रिक्स शिखर सम्मेलनमा मोदी–जिनपिङको भेट भयो । दुई नेताबीच अन्तिम भेट सन् २०१९ मा सी जिनपिङले भारत भ्रमण गर्दा भएको थियो।

दुई धेरै जनसङ्ख्या भएका देशका नेताहरू ब्रिक्स र रुसजस्ता मञ्चमा भेला भएकाले यसलाई आफ्नो रणनीतिक सफलताका रूपमा विश्वलाई देखाउने प्रयास गरेका छन् ।

एकातिर युक्रेनमा युद्ध भइरहेको बेला र अर्कोतिर रुस व्यापारको क्षेत्रमा पश्चिमी मुलुकको प्रभुत्वलाई चुनौती दिन व्यस्त रहेको बेला कजानमा ब्रिक्स सम्मेलन हुन लागेको हो ।

विश्लेषक सुधीन्द्र कुलकर्णीले रुसको कजानमा भएको यो ब्रिक्स शिखर सम्मेलनलाई इतिहासको सबैभन्दा सफल ब्रिक्स शिखर सम्मेलन र पुटिनलाई यसको नायकको रूपमा व्याख्या गरेका छन् ।

ब्रिक्सको स्थापना सन् २००६ मा ब्राजिल, रुस, भारत र चीनले गरेका थिए । दक्षिण अफ्रिका सन् २०११ मा यो समूहमा सामेल भएको थियो।

यस संस्थाले विश्वको जनसंख्याको ४४ प्रतिशत र अर्थतन्त्रको एक तिहाइभन्दा बढी प्रतिनिधित्व गर्दछ।

पश्चिमाहरूलाई चुनौती दिन पुटिन कत्तिको सफल भए ?

अमेरिकालगायत अन्य पश्चिमी मुलुकले रुसमाथि कडा आर्थिक प्रतिबन्ध लगाएका छन् र यी देशसँग रुसको सम्बन्ध पनि नाजुक अवस्थामा छ ।

यो कुरा यतिसम्म पुग्यो कि गत वर्ष अन्तर्राष्ट्रिय फौजदारी अदालत (आइसिसी) ले युक्रेनमा कथित युद्ध अपराधको मुद्दामा रुसी राष्ट्रपति भ्लादिमिर पुटिनलाई पक्राउ गर्न वारेन्ट जारी गरेको थियो ।

तर पक्राउ पुर्जी जारी भए पनि पुटिन यसै वर्ष सेप्टेम्बरमा अन्तर्राष्ट्रिय फौजदारी अदालतको सदस्य राष्ट्र मंगोलिया पुगेका थिए । वारेन्ट जारी भएपछि कुनै पनि सदस्य राष्ट्रमा उनको यो पहिलो भ्रमण थियो।

पक्राउ पुर्जी जारी भएमा आइसिसी सदस्यहरूले संदिग्धहरूलाई हिरासतमा लिने अपेक्षा गरिन्छ, तर यसका लागि कुनै सेट नियमहरू छैनन्। ब्रिक्सले जारी गरेको घोषणापत्रमा पश्चिमा राष्ट्रले लगाएको आर्थिक प्रतिबन्धलाई पनि अप्रत्यक्ष रूपमा उल्लेख गरिएको छ ।

यस बीचमा पुटिन, मोदी र सीबीच भेट भएको हो । अहिले पश्चिमाका अगाडि आफूलाई दरिलो देखाउन पुटिनले चाहिरहेका छन् ।

बिबिसी हिन्दीबाट