काठमाडौं– बालुवाटारको ललिता निवास जग्गा प्रकरणमा अख्तियार दुरुपयोग अनुसन्धान आयोगले ८६ जग्गाधनी तथा मोहीलाई बयानका लागि बोलाएको छ ।
यसरी बोलाइएकामा भाटभटेनी सुपरस्टोरका सञ्चालक मीनबहादुर गुरुङका छोरा कल्याण, शोभाकान्त ढकालकी पत्नी उमाकुमारी र रामकुमार सुवेदीकी पत्नी माधवी पनि छन् । सम्पर्कमा नआएकाको हकमा सार्वजनिक सूचना निकालेर ७ दिनभित्र बयानका लागि आउन भनिएको अख्तियारले जनाएको छ ।
सो प्रकरणमा अन्य व्यक्ति पनि रहेको तर अनुसन्धानका क्रममा रहेकाले सबैको नाम खुलाउन नमिल्ने अख्तियारको भनाइ छ । अख्तियारका अनुसार सार्वजनिक जग्गा पहिलोपटक जसको नाममा गएको थियो, उनीहरुमध्ये सम्पर्कमा नआएकाका लागि मात्र सूचना निकालिएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
