काठमाडौं– विश्वप्रसिद्ध अनलाइन सपिङ कम्पनी अलिबाबाका संस्थापक ज्याक माले नेपाललगायत १० राष्ट्रलाई कोरोना भाइरससँग लड्ने सामग्री प्रदान गर्ने घोषणा गरेका छन् ।
उनले नेपाल, अफगानिस्तान, बंगलादेश, म्यानमार, मंगोलिया, माल्दिभ्स, श्रीलंका, कम्बोडिया, लावस र पाकिस्तानलाई भेन्टिलेटर, टेस्टिङ किट र मास्क उपलब्ध गराउने घोषणा गरेका हुन् ।
माले विश्वभर फैलिरहेको कोरोनाभाइरससँग जुध्न यी देशलाई १८ लाख थान मास्क, दुई लाख १० हजार टेस्टिङ किट र ३६ हजार भेन्टिलेटर, थर्मोमिटर उपलब्ध गराउने भएका हुन् ।
भारतका मुकेश अम्बानीलाई उछिनेर एसियाकै धनी व्यक्तिमा सूचीकृत भएका उनले यसअघि अमेरिकालाई पाँच लाख टेस्टिङ किट र दस लाख थान मास्क उपलब्ध गराएका थिए ।
शनिबार ट्विट गर्दै उनले भनेका छन्,‘ यो डेलिभर गर्न सजिलो छैन तर हामी चाँडो भन्दा चाँडो उपलब्ध गराउने छौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।