कैलाली– धनगढीमा कोरोना भाइरस संक्रमित युवाको दोस्रो टेस्ट पनि पोजेटिभ आएको छ ।
धनगढीस्थित सेती प्रादेशिक अस्पतालमा उपचार गराइरहेका ३४ वर्षका यी युवाको दोस्रो पटक परीक्षण गरिएको थियो । उनको स्वाब राष्ट्रिय जनस्वास्थ्य प्रयोगशालामा गरिएको थियो ।
उनको टेस्ट पोजिटिभ आएसँगै उनलाई अझै केही दिन अस्पतालमा नै राखिने भएको छ ।
यी युवाबाट घरमा उनकी भाउजूलाई पनि कोरोना संक्रमण भएको शनिबारमात्र पुष्टि भएको थियो । घरका अन्य सदस्यहरुको रिपोर्ट चाहिँ नेगेटिभ आएको छ ।
यी युवा दुबईबाट नेपाल फर्किएका थिए । लक्षण देखिएपछि अस्पताल पुगेका उनमा १४ गते कोरोना भाइरस संक्रमण देखिएको थियो ।
उनीसँगै अहिले सेती प्रादेशिक अस्पतालमा अन्य तीन जनाको पनि कोरोना उपचार भइरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
