काठमाडौं– इजरायली सरकारको प्रजातन्त्रविरोधी कदमको विरोध गर्दै आइतबार तेल अभिभमा हजारौं प्रदर्शनकारीले भौतिक दूरी कायम राख्दै प्रदर्शन गरेका छन् । सिएनएनका अनुसार दुई हजारभन्दा बढी मानिस सहभागी प्रदर्शनमा सहभागीहरु मास्क लगाएर दुई मिटरको दूरीमा बसेका थिए ।
कोरोना भाइरस संक्रमण फैलिन नदिन भौतिक दूरी कायम राख्दै प्रदर्शन गरिएको हो । प्रदर्शनकारीले संकटको समयमा सरकारले अनुचित कदम चालेको कारण आफूहरु चुप बस्न नसकेको बताएका छन् ।
उनीहरुले प्रधानमन्त्री बेन्जामिन नेतान्याहूले प्रजातन्धविरोधी कदम चालेको भन्दै त्यसको विरोधमा कालो झण्डा देखाएका थिए ।
इजरायल सरकारले कोरोना भाइरसविरुद्ध लड्न भन्दै निकै कडा नियम लगाउँदै नागरिकहरुको फोन ट्रयाकिङको व्यवस्था ल्याएको थियो । त्यसको विरोधमा विरोध प्रदर्शन गरिएको हो ।
आन्दोलनकारी भर्चुअलरुपमा घरमै बसेर फेसबुक वा जुमको सहयोगमा अनलाइनमार्फत यो आन्दोलनमा जोडिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
