एजेन्सी– कोरोनाभाइरस (कोभिड १९) संक्रमणलाई पराजित गर्दै काममा फर्किएका बेलायती प्रधानमन्त्री बोरिस जोन्सनले बेलायती सरकारले तत्काल लकडाउनको अन्त्यबारे केही भन्न नसक्ने बताएका छन् ।
उनले अहिले लकडाउन नीतिमा कुनै परिवर्तन नल्याउने तथा यसबारे सल्लाह गर्ने समय नभएको बताएका हुन् ।
‘हामी अहिले भन्न सक्दैनाँै, कहिले छिटो वा ढिलो लकडाउन अन्त्य हुन्छ वा परिवर्तन हुन्छ,’ उनले भनेका छन्, ‘आगामि दिनहरुमा यसबारे सरकारले जानकारी पक्कै दिनेछ । तर, यो खतराको समय हो ।’
उनले यस्ता निर्णयहरु पारदर्शी रुपमा लिइने पनि बताएका छन् ।
जोन्सन सोमबारबाट मात्र काममा फर्किएका हुन् ।
जोन्सनले अझै पनि बेलायत अति जोखिममा रहेको भन्दै बेलायती जनताको यो समर्पणलाई आफूले सम्मान गर्ने पनि बताएका छन् । ‘हो, यो गाह्रो समय हो,’ उनले भनेका छन्, ‘म अब दोस्रो लहरमा जान चाहन्नँ, अहिले हामीले सावधानी अपनाउनु पर्छ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
