काठमाडौ– शुक्रबार नेपालमा ४४८ जना कोरोना संक्रमित थपिएका छन् । यससँगै नेपालमा कोरोना भाइरसको संक्रमित संख्या ५ हजार ६२ पुगेको छ ।
स्वास्थ्य मन्त्रालयका प्रवक्ता डा. जागेश्वर गौतमले नियमित प्रेस ब्रिफिङका क्रममा शुक्रबार ४४८ संक्रमित थपिएको जानकारी गराएका हुन् ।
गौतमका अनुसार थपिएका संक्रमितमध्ये ४ सय २४ पुरुष र २४ महिला छन् । यो संख्या अहिलेसम्मकै बढी हो ।
नेपालमा हालसम्म कोरोनाबाट मृत्यु हुनेको संख्या १६ पुगेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
