काठमाडौं– भारतबाट आएका धादिङका २३ जनामा कोरोना भाइरस संक्रमण पुष्टि भएको छ ।
नीलकण्ठ नगरपालिकाले उनीहरुलाई १४ दिन क्वारेन्टिनमा राखेर आरडिटी गरेर घर पठाइएको थियो । उनीहरुको स्वाब संकलन गरेर पिसिआर टेस्ट गर्दा २३ जनामा संक्रमण पुष्टि भएको नगरपालिकाले जनाएको छ ।
यसरी संक्रमण पुष्टि हुनेमा वडा नं ७ र १४ धुवाँकोटका ७–७ जना, वडा नं १ का ६ जना र वडा नं ४ का एकजना छन् ।
नगरपालिकाले संक्रमित परिवारका सबै सदस्यको पिसिआर टेस्ट गर्ने जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
