पाल्पा– जिल्लाको तानसेन नगरपालिका–११ मा पर्ने सम्मोबारी भन्ने स्थानमा पहिरो जाँदा मिनी ट्रक, टयांकर र मोटरसाइक पुरिएका छन् । ती सवारी साधन पुरिँदा त्यसमा सवार दुईजनाको मृत्यु भएको छ ।
बिहान ८ बजेदेखि गएको पहिरोका कारण सडक अवरुद्ध बनेको छ । तानसेन बजारदेखि ५ किलोमिटर टाढा पर्ने सो स्थान गुलमीको तम्घास जाने बाटोमा पर्छ ।
पहिरो पन्छाउने क्रममा थप पहिरो खसेको र उद्धार कार्य जारी रहेको प्रहरीले जानकारी दिएको छ ।
पहिरोका कारण एउटा मिनिट्रक सय मिटर तल पुगेको छ भने टयांकर ५०० मिटर तल पुगेको छ । एउटा मोटरसाइकल र हेलमेट पुरिएको देखिएको छ । घटनामा परेका १ जनालाई उद्धार गरी उपचारका लागि पाल्पा पठाइएको प्रहरीको भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।