काठमाडौं– आगामी अक्टोबर–नोभेम्बरका लागि तय भएको टी–२० विश्वकप क्रिकेट स्थगित भएको छ । अष्ट्रेलियामा हुने तय भएको सो विश्वकप क्रिकेट प्रतियोगिता एक वर्षका लागि सरेको छ ।
विश्वभर फैलिएको कोरोना महामारीका कारण विश्वकप क्रिकेट एक वर्षपछिका लागि अर्थात् २०२१ का लागि सरेको अन्तर्राष्ट्रिय क्रिकेट परिषद् (आइसिसी)ले जानकारी गराएको छ । आइसिसीको सोमबार बसेको कार्यसमिति बैठकले सो निर्णय गरेको हो ।
आइसिसीले एक विज्ञप्ति जारी गर्दै अष्ट्रलियामा हुने टी–२० विश्वकप अब सन् २०२१ को अक्टोबर नोभेम्बरमा आयोजना गर्ने जनाएको छ । त्यसैगरी, भारतमा हुने २०२२ को टी–२० विश्वकप पनि त्यसको एक वर्षपछि अक्टोबर–नोभेम्बरमा हुनेछ ।
भारतले नै आयोजना गर्ने २०२३ को एक दिवसीय विश्वकप भने तोकिएको मितिमा हुने आइसिसीले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।