कारोनाभाइरसका कारण केही समय रोकिएर पुनः सञ्चालनमा आएको इङ्गलिस प्रिमियर लिग (इपिएल) आजबाट समाप्त हुँदैछ । लिगमा आज अन्तिम चरणका खेलहरु हुँदैछन् ।
लिभरपुलले उपाधि जितिसकेको लिगमा यसअघिको विजेता म्यानचेस्टर सिटी दोस्रो स्थानमा रहने पक्का हुँदा तेस्रो, चांैथौ र पाँचौं स्थानका लागि तीन टोलीबीच तीब्र प्रतिस्पर्धा चलिरहेको छ ।
जसका लागि म्यानचेस्टर युनाइटेड, चेल्सी तथा लेस्टर सिटीबीच प्रतिस्पर्धा भइरहेको छ । यीमध्ये दुईले च्याम्पियन्स लिगमा स्थान बनाउने भएकाले पनि यो प्रतिस्पार्धा निकै रोचक बनेको हो । युनाइटेड तथा चेल्सीको समान ६३ अंक हँुदा लेस्टरको ६२ अंक छ ।
त्यस्तै, रेलिगेसन होड पनि निकै रोमाञ्चक बनेको छ । नर्विच सिटी र बर्नमाउथ रेलिगेसनमा पर्ने निश्चित हँुदा वाटफर्ट तथा एस्टन भिल्लाबीचच रेलिगेसनबाट बच्न चर्को प्रतिस्पर्धा भइरहेको छ । वाटफर्ट र एस्टन भिल्लाको समान ३४ अंक छ ।
आजको खेलमा आर्सनलले घरेलु मैदानमा रेलिगेसन जोनको वाटफर्टको सामना गर्नेछ । आर्सनललाई यो खेलको नजिताले खासै फरक नपार्ने भएता पनि वाटफर्टलाई रेलिगेसनबाट बच्न यो खेल जित्नै पर्ने दबाव छ ।
बर्नलीले घरेलु मैदानमा ब्राइटनको सामना गर्दा चेल्सीले महत्वपूर्ण खेलमा वल्भ्सको सामना गर्नेछ ।
चेल्सीको घरेलु मैदानमा हुने खेल दुवै टोलीका लागि महत्वपूर्ण छ । चेल्सी घरेलु मैदानको फाइदा उठाउँदै जित हात पारेर च्याम्पियन्स लिग निश्चित पार्न चाहान्छ भने वल्भ्स पनि जित हात पार्दै युरोपा लिग निश्चित गर्ने दाउमा हुनेछ ।
इभर्टनले घरेलु मैदानमा रेलिगेसनमा परिसकेको बर्र्नमाउथको सामना गर्दा म्याचेस्टर सिटीले पनि घरेलु मैदानमा रेलिगेसनमा परेको अर्को टोली नर्विच सिटीसँग प्रतिस्पर्धा गर्नेछ ।
आजको सबैभन्दा महत्वपूर्ण खेलमा लेस्टर सिटी तथा म्याचेस्टर युनाइटेड आमने सामने हँुदैछन् ।
लेस्टरको घरेलु मेदानमा हुने खेल च्याम्पियन्स लिग दौडमा रहेका दुवै टिमका लागि महत्वपूर्ण छ । लेस्टर घरेलु मैदानको फाइदा उठाउँदै च्याम्पियन्स लिग खेल्ने दाउमा हुनेछ भने युनाइटेड पनि लेस्टरलाई पराजित गर्दै च्याम्पियन्स लिग पक्का गर्न चाहन्छ ।
लिग विजेता लिभरपुलले अवे मैदानमा न्युक्यास्टल युनाइटेडसँग खेल्दा क्रिस्टल प्यालेसले घरेलु मैदानमा टोटनहमको सामना गर्नेछ ।
युरोपा लिगको दौडमा रहेको टोटनहमका लागि यो खेल निकै महत्वपूर्ण छ । आजको खेलमा जित निकाल्दै टोटनहम युरोपा लिग निश्चित गर्न चाहन्छ ।
साउथह्यामटनले घरेलु मैदानमा सेफिल्ड युनाइटेडसँग प्रतिस्पर्धा गर्दा महत्वपूर्ण खेलमा एस्टन भिल्लाले वेस्टह्याम युनाइटेडको सामना गर्नेछ ।
वेस्ट हामको घरेलु मैदानमा हुने खेलमा रेलिगेसनबाट बच्न संघर्षरत एस्टन भिल्ला जित हात पार्ने दाउमा हुनेछ ।
आजका सबै खेल नेपाली समयअनुसार राति पौने ९ बजे हुनेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
