काठमाडौं– उपत्यका नगरपालिका फोरमले काठमाडौं उपत्यकामा २० हजार व्यक्तिको कोरोना परीक्षण गर्ने तयारी गरेको छ । समुदायस्तरमा कोभिड १९ को संक्रमण फैलिनसक्ने जोखिमलाई रोक्न र पूर्वसतर्कता अपनाउनको लागि उक्त योजना बनाइएको हो ।
यस विषयमा आजको उपत्यका नगरपालिका फोरमको बैठकमा निर्णय गर्ने तयारी छ । कोरोना संक्रमणको आशंका भएका व्यक्तिहरु आफैँ सम्पर्कमा आए भने चाँडै सफलतामा पुगिन्छ भन्ने लागेर यस्तो गरिएको काठमाडौं महानगर स्रोतको दाबी छ ।
गत आइतबारको नगरपालिका फोरमका पदाधिकारीको बैठकले पनि यो विषयउपर छलफल गरेको थियो । पछिल्लो समय उपत्यकाभित्र कोरोना संक्रमितको संख्या बढ्दो छ ।
स्वास्थ्य तथा जनसंख्या मन्त्रालयका अनुसार काठमाडौं उपत्यकाभित्र संक्रमितको संख्या ३ हजार २ सय नाघिसकेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।