बार्सिलोनका स्ट्राइकर लियोनल मेसीले बार्सिलोनालाई आफूले क्लब छोड्न चाहेको बताएका छन् । उनी झन्डै दुई दशकदेखि स्पेनिस क्लब बार्सिलोनासँग अनुबन्धित थिए ।
बार्सिलोनाले समाचार एजेन्सी एपीसँग कुरा गर्दै मंगलबार मेसीले एउटा पत्र पठाएको र आफूले बार्सिलोना छोड्न चाहेको बताएको पुष्टि गरेको छ ।
११ दिनअघि बार्सिलोना र बार्यन म्युनिखबीच भएको खेलमा बार्सिलोनाले नराम्रो पराजय भोगेको थियो । अत्यन्त महत्वपूर्ण मानिएको त्यो खेलमा बार्सिलोना २–८ ले पराजित भएको थियो ।
च्याम्पियन्स लिगको क्वार्टरफाइनलको यो खेल बार्सिलोनाको इतिहासमै शर्मानक हार थियो ।
३३ वर्षका मेसीले यो हारपछि आफूले बार्सिलोना छोड्न चाहेको पत्र पठाएका हुन् । ६ पटक बालोन डि ओर जितेका मेसीले बार्सिलोनालाई १० स्पेनिस लिग र चार च्याम्पियन्स लिगका ट्रफी दिलाएका छन् ।
तर, अहिले नै मेसीले बार्सिलोना छोड्न चाहे पनि उनले पाउने या नपाउने बार्सिलोनाले अहिलेसम्म निर्णय गरिसकेको छैन । बार्सिलोनाले उनीसँग भएको कन्ट्«्याक्टको आधारमा यसमाथि कानुनी प्रक्रिया सुरु गर्ने बताएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
