नौ वर्षीया बालिकालाई बलात्कार गरेको आरोपमा कास्की प्रहरीले भारतीय पूर्वसैनिकलाई पक्राउ गरेको छ । पक्राउ पर्नेमा स्याङ्जाको बिरुवा गाउँपालिका ७ घर भई पोखरा १०, मिलनचोकमा बस्दै आएका ५५ वर्षीय रेशबहादुर गुरुङ रहेका छन् ।
उनले बालिकालाई फकाएर चार/पाँच महिनादेखि बलात्कार गर्दै आएको रहस्य बाहिरिएको छ । बालिकाका आमाबुबा विदेशमा रहेको र उनी पोखरामा आफन्तकोमा बस्दै आएको छन् ।
गत शुक्रबार बालिकाका आफन्तले उनको कपडामा दाग देखेपछि सोधखोज गर्ने क्रममा पोल खुलेको हो । आफन्तले शुक्रबारै कास्की प्रहरीमा जाहेरी दिएका थिए ।
जाहेरी परेको थाहा पाउनासाथ पोखराबाट भागेका गुरुङ स्याङ्जास्थित बिरुवा गाउँपालिका ८, टोड्केबाट पक्राउ परेको कास्की प्रहरीले बताएको छ ।
स्याङ्जा प्रहरीसँगको समन्वयमा उनलाई आइतबार राति नै पक्राउ गरी पोखरा ल्याइएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
