ब्राजिलियन फुटबलस्टार नेयमार कोरोना संक्रमित भएका छन् । उनीसहित फ्रान्सेली च्याम्पियन पेरिस सेन्ट जर्मेन (पिएसजी)का तीन खेलाडीलाई कोरोना संक्रमण पुष्टि भएको हो ।
पीएसजीले बुधबार एक विज्ञप्ति जारी गर्दै तीन खेलाडीमा कोरोना संक्रमण भएको बताए पनि खेलाडीको नाम सार्वजनिक गरेको थिएन ।
तर, फ्रान्सेली सञ्चारमाध्यमले क्लब स्रोतलाई उदृत गर्दै नेयमारसहित अर्जेन्टिनी मिडफिल्डरद्वय एन्जल डी मारिया र लिआन्ड्रो पारेडेसलाई कोरोना संक्रमण भएको जनाएका छन् ।
फ्रान्सेली लिगको नियम अनुसार अब पिएसजीको लिग खेल पनि स्थगित हुने सम्भावना बढेको छ । ८ दिनको अन्तरमा ४ भन्दा बढी खेलाडीमा कोरोना संक्रमण देखिए खेल स्थगित गर्नुपर्ने लिगको नियम छ ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
