काठमाडौंमा एक जना प्रहरी जवान बलात्कार गरेको अभियोगमा पक्राउ परेका छन् । दार्चुला घर भई महानगरीय प्रहरी वृत्त गौशालामा कार्यरत प्रहरी जवान उपेन्द्र सिंहलाई गौशाला प्रहरीले नियन्त्रणमा लिएको छ ।
काठमाडौंको गौशाला वनकाली बस्ने २१ वर्षीया युवतीले दिएको जाहेरी अनुसार उनलाई पक्राउ गरिएको हो ।
युवतीले जबरजस्ती करणी गरेको आरोप लगाउँदै हिजो गौशाला प्रहरीमा जाहेरी दिएकी थिइन् ।
उनले जाहेरीमा ती प्रहरीले घरमा जबरजस्ती गर्न खोजेको लेखेकी छन् । उनले दिएको जाहेरीको आधारमा प्रहरी जवान सिंहलाई पक्राउ गरिएको गौशालाका डीएसपी जितेन्द्र बस्नेतले बताए ।
प्रहरीका अनुसार थप अनुसन्धानका लागि मंगलबार म्याद थप गर्न पठाइएको छ । प्रहरीको प्रारम्भिक अनुसन्धानमा जवान र पीडित भनिएको युवतीबीच पहिल्यैदेखि चिनजान रहेको पाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
