नेपाली कांग्रेसका युवानेता गगन थापाले सरकारले सत्याग्रही डा. गोविन्द केसीमाथि सरकारले अपमानजनक व्यवहार गरेको भन्दै आपत्ति जनाएका छन् ।
नेवालगन्जबाट काठमाडौं आएका डा. केसीले आफू शिक्षण अस्पताल भर्ना हुन चाहेको बताए पनि प्रशासनले उनको इच्छाविपरीत राष्ट्रिय ट्रमा सेन्टरमा लगेको थियो ।
उक्त घटना निन्दनीय र सत्याग्रहीमाथि दुर्व्यवहारको पराकाष्टा भएको भन्दै गगनले ट्विटमार्फ विरोध जनाएका हुन् ।
गगनले लेखेका छन्, ‘सत्याग्रहीलाई इच्छाविपरीत छुन पनि पाइँदैन । तर, अनसनरत डा. गोविन्द केसीमाथि सरकारले गरेको अपमानजनक व्यवहार लोकतन्त्रमा अकल्पनीय र अक्षम्य छ । क्रुर तानशाहले मात्र यस्तो निन्दनीय कृत्य गर्न सक्छ । सरकारले आफ्नो पतनको बाटो आफैँ खनेको छ ।’
सत्याग्रहीमाथीको दुर्व्यवहार: क्रुरताको पराकाष्टा!
— Gagan Thapa (@thapagk) September 22, 2020
सत्याग्रहीलाई इच्छा विपरित छुन पनि पाईदैन।तर अनशनरत डा.गोविन्द केसीमाथी सरकारले गरेको अपमानजनक व्यवहार लोकतन्त्रमा अकल्पनीय र अक्षम्य छ।क्रुर तानशाहले मात्र यस्तो निन्दनीय कृत्य गर्नसक्छ।
सरकारले आफ्नो पतनकाे बाटो आफै खनेको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
