अमेरिकाको पछिल्लो राजनीतिबारे निकै चासो दिने उत्तर कोरियाली नेता किम जङ उन पछिल्लो समय चुपचाप छन् । उनले सोमबारसम्म अमेरिकामा राष्ट्रपति निर्वाचित जो बाइडेनलाई कुनै पनि बधाई सन्देश पठाएका छैनन् ।
राष्ट्रपति डोनाल्ड ट्रम्पसँग पछिल्लो समय राम्रो सम्बन्ध विकास गरेका किमले यसलाई कुनै वास्ता नगर्नु चीन र रुसको कारण भएको हुनसक्ने अनुमान गरिएको छ ।
चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनले पनि यसबारे अहिलेसम्म केही बताएका छैनन् ।
सन् २०१६ मा भएको निर्वाचनमा चाहिँ दुई दिनपछि किमले प्रतिक्रिया दिएका थिए । त्यति बेला उनले ट्रम्पलाई भनेका थिए– आइक्यू जिरो भएको मूर्ख नेता ।
तर, यी दुईबीच यसबीचमा तीन पटक ऐतिहासिक भेट भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।