सशस्त्र प्रहरी प्रदेश २ ले परिमाणभन्दा कम सामानको भन्सार काटेर ल्याएको सामान बरामद गरेको छ ।
ल्याइएका सामानमध्ये २५ प्रतिशतको मात्रै भन्सार काटेर ल्याएको कपडा विशेष सूचनाका आधारमा सशस्त्र प्रहरीले बरामद गरेको हो ।
भारत विहार जटही–जनकपुर नाकाबाट ६ लाख रुपैयाँ बराबरको साडी बरामद गरिएको सशस्त्र प्रहरी बल प्रदेश २ ले जनाएको छ ।
बरामद गरिएका राजस्व छलीका समान थप कारबाहीका लागि राजस्व विभाग पथलैयामा बुझाइएको सशस्त्र प्रहरीले जनाएको छ ।
पछिल्लो एक महिनामा सशस्त्र प्रहरीले २ नम्बर प्रदेशबाट साढे चार करोड मूल्य बराबरको सामान बरामद गरी भन्सार बुझाएको तथ्यांक छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
